تطلع خايف امن البيت
يبن الشيد اركانه
وحجك بالطفوف يصير
وانته البيت عنوانه
**** ****** ****
من مثلك يبو السجاد سوى الهالخلق منهج
اوحافظ مثلك اعلى الدين وامسى الكون بيه يلهج
لمن علم رب البيت سر البي تركت الحج
وسوه الشخصك ابعاشور ■ موقف للقيامه اينور ■ اصبح بيتك المعمور
واللي يقصد ايزوره رجح عليحج ميزانه
******* **********
شرف تربتك عالبيت جي لنك حفظت البيت
اومنه اطلعت بضعونك وابيها الكربله اتعنيت
لبست احرامك اولبيت ( بالحر ) لمن اتلاقيت
اوصلت الكربلا يحسين ■ تلبي الصوت داعي الدين ■ بنيت الحجك اصواوين
مثل ما يطلع الحجي الوادي منه ابصيوانه
******* *********
دعيت الناس لمر الله والهم عرفت دينه
لكن التبع ليزيد ما طاعك يبو سكينه
كمت ترجم ابنغل ازياد يحسين اوشياطينه
لمن فضت بالميدان ■ وانته محرم وعطشان ■ منه اسعيت للصيوان
مثلك من شكر يحسين رب البيت سعوانه
******** **********
يوم العاشر الحجي ينحر لك فده يحسين
وانت اسباطعش ضحيت غير الواحد وسبعين
كلهم فده الوجه الله ومقصودك حياة الدين
لمن خلصت اصحابك ** ومنهم فرغت اطنابك ** ماتم لك امن احبابك
غير الطفل عبد الله واعيالك العطشانه
****** **********
شفت الدين بعده يريد من عندك دوه العلته
رحت واخذت عبدالله اولجموع الكفر جبته
واقفت ابين عدوانك وبيدك للذبح شلته
صحت بموسط الميدان ■ ياشيعة بني سفيان ■ شوفوا هالطفل عطشان
ما يحمل عطش يا قوم والحر يبس السانه
******* *********
طلع له حرمله امن القوم لكن السهم بيده
على اضراعك لقاه ايلوج وملولح عليه جيده
رماه بسهم لمكدر اوطاح السهم بوريده
وعيونك يبو اليمه ■ تشوفه مخضب بدمه ■ ابطفلك سدرت لمه
طلعت واخذته منك ودمه يسيل جروانه
********** *********
رفعت اجفوفك وناديت لكن ابدمع جاري
اقبل هالطفل مني فده الها الدين يا باري
ما تم من أهل بيتي عدل اوياي وانصاري
تراني بالعهد وفيت ■ اولجلك بالشمل ضحيت ■ بعد وعدك يرب البيت
اريدن شيعتي منك بيوم الحشر ويانه
******* ********
شفت ماتم بعد عندك غير اخدور نسوانك
لجن تنهتك بوجودك ماهان اعلى وجدانك
كلت كلمه يبو اليمه من قلبك اوبلسانك
يسيوف العدى اخذيني ■ وافده الها الدين خليني ■ حتى من عقب عيني
يتم اويعتلي اوجوده اويعلى اعلى الملل شانه
******** *********
من سمعت هذيج القوم الهم رخصت يحسين
منك امنت لاجن عليك اتناخت الصوبين
دارت بيك عدوانك مثل دور الجفن علعين
لاجنها عليك اتطوف ■ برماح ونبل وسيوف ■ اوزينب على التل اتشوف
صاحت يا علي والله بخوي اجنفت عدوانه
******** **********
تعنت ليك للحومه اولنك تشخب اجروحك
تون امن العطش وتلوج وانته اتعالج ابروحك
كامت علوجه تلطم وكعدت يمك اتنوحك
نادت اومدمعها ايهلي يحسين يا تالي هلي ساعه اوخواتك تنولي تمت غريبه ابلا ولي
******** *******
يا تالي هلي يحسين ما تقعد تحاجيني
اصواب الضاهدك ياهو عليه يحسين دليني
على التربان اشوفنك ابعيني من عمت عيني
اقعد اوعاين للحرم هجت يخويه امن الخيم والعسكر اعليهن هجم تدري العده مبهم رحم
شوف امخيمك يحسين كامت تشب نيرانه
.....
السيد عبدالحسين الشرع
(منهل الشرع)
